दम मारो दम..! भारतीय नागरिकांनी वर्षभरात तब्बल 80 हजार कोटींच्या फक्त विड्याच फुंकल्या तर विचार करा इतर खर्च बद्दल.
प्रतिनिधी : (एम.ए.शेख)
'दम मारो दम, पण स्वस्तात…मस्त' असे म्हणत लाखो भारतीय नागरिकांनी वर्षभरात तब्बल 80 हजार पाचशे कोटी रुपयांच्या
विडय़ा फुंकल्याची धक्कादायक बाब समोर आली आहे. 15-60 वयोगटातील
विडीफुक्यांची संख्या दिवसेंदिवस वाढत असून ती आज साडेसात कोटीपर्यंत
पोहचली आहे. त्यामुळे 2017 मध्ये देशात झालेल्या तंबाखूच्या एकूण
उत्पादनापैकी तब्बल 81 टक्के तंबाखू विडी उद्योगात वापरला गेला असल्याचे
सेंटर ऑफ पब्लिक पॉलिसी रिसर्चने (सीपीपीआर) 'टोबॅको कंट्रोल' या जर्नलमध्ये
प्रसिद्ध केले आहे. स्वस्त वाटणाऱया विडीचा वापर वाढल्याने हजारो कुटुंबे
वर्षानुवर्षे गरिबीतच राहिली आहेत.
शेती उत्पादन असलेल्या तंबाखूचे देशात
मोठे उत्पादन होत आहे. त्यामुळे विडीचा उत्पादन खर्च अत्यल्प असून
सर्वसामान्यांना स्वस्तात उपलब्ध होते. मात्र तंबाखू भरलेल्या विडीला
सिगारेटप्रमाणे फिल्टर नसल्याने ती ओढल्यास मोठय़ा प्रमाणात निकोटीन शरीरात
जाते. हाच निकोटीनचा धूर फुप्फुसात गेल्याने वेगवेळ्या प्रकारचे कॅन्सर,
क्षयरोग अशा जीवघेण्या अजारांची लागण होत असल्याचे सीपीपीआरने म्हटले आहे.
त्याचा देशाच्या आरोग्य यंत्रणेवर ताण पडत आहे. 2017 मध्ये विडय़ांबरोबरच
ओढणाऱयांवरील उपचारावर 80 हजार पाचशे कोटी रुपये खर्च झाल्याचे स्पष्ट केले
आहे. विडी आणि त्यामुळे होणाऱया आजारांवरील खर्चामुळे देशातील 15 कोटी
जनता वर्षानुवर्षे गरिबीतच जगत असल्याचे सीपीपीआरने म्हटले आहे. दरम्यान
विडी ओढणाऱयांची संख्या कमी व्हावी म्हणून सरकारने विडीच्या विक्रीवर जादा
कर आकारून त्याची किंमत कशी वाढेल याबाबत योग्य पावले उचलावीत असे सुचवले
आहे.
चौघांपैकी एकजण फुंकतो विडी
देशातील
विडीफुक्यांची संख्या मोठय़ा प्रमाणात वाढली आहे. 30-60 वयोगटातील चार
नागरिकांपैकी एकजण विडी फुंकत असल्याने देशाची क्रयशक्ती घटत आहे. देशाच्या
विकासाला हे घातक आहे. तसेच गरिबीचे प्रमाण वाढत असल्याचेही सीपीपीआरचे
रिजो एम. जॉन यांनी सांगितले. त्याचबरोबर विडीच्या विक्रीतून वस्तू आणि
सेवा कराच्या माध्यमातून वर्षाला सरकारला केवल 0.5 टक्के महसूल मिळतो तर
विडीमुळे होणाऱया आजारांवर वर्षाला आरोग्याच्या एकूण बजेटपैकी तब्बल दोन
टक्के खर्च होत आहे.
No comments:
Post a Comment