भरधाव ट्रकची बसला धडक, 25 हून अधिक जखमी.
नांदेड-नागपूर महामार्गावर आसना पूलाजवळ बस व ट्रकची समोरासमोर धडक दिल्याने झालेल्या अपघातात बसमधील २५ हून अधिक प्रवासी जखमी झाले आहेत. आज (सोमवारी) सकाळी 6 वाजेच्या सुमारास हा अपघात झाला. सर्व जखमींना नांदेडच्या शासकीय रुग्णालयात दाखल करण्यात आले आहे.
मिळालेल्या प्राथमिक माहितीनुसार, नांदेडहून येणाऱ्या नांदेड-पुसद (एम.एच.२० बी.एल.१७४०) या बसला नांदेडच्या दिशेने भरधाव वेगात येणाऱ्या ट्रकने जोरदार धडक दिली. यामध्ये बसमधील 25 हून अधिक प्रवासी जखमी झालेत. जखमींमध्ये बस चालकाचाही समावेश आहे. घटनेची माहिती मिळताच पोलिसांनी अपघातस्थळी धाव घेतली. मात्र, अपघातानंतर ट्रक चालक फरार झाल्याचं समजतंय.
No comments:
Post a Comment