(विधर्मीय) अल्पवयीन मुलीवर बलात्कार करणा-या त्या आरोपीला १० वर्ष कारावासाची शिक्षा.
बेधडक महाराष्ट्र online न्युज
भोकर :(एजास कुरेशी)
भोकर : तालुक्यातील माै.बोरगाव(सुधा) येथील एका १४ वर्षीय अल्पवयीन (विधर्मीय) मुलीस लग्नाचे अमिष दाखऊन पळऊन नेऊन तिच्यावर सतत बलात्कार करणा-या तरुणास भोकर जिल्हा व अतिरीक्त सत्र न्यायालयाचे जिल्हा न्यायाधीश मुजीब एस.शेख यांनी १० वर्ष कारावास व १० हजार रुपये दंडाची शिक्षा दिली आहे.
माै.बोरगाव(सुधा) ता.भोकर येथील रहिवासी असलेल्या एका १४ वर्षीय अल्पवयीन मुलीस लग्नाचे अमिष दाखऊन त्याच गावातील रहिवाशी असलेला तुळशीराम बापूराव गुंडूले या तरुणाने तिच्या घरुन सकाळी ७:३० वाजताच्या दरम्यान पळऊन नेले.या प्रकरणी दि.६ एप्रिल २०१७ रोजी त्या मुलीच्या आईने दिलेल्या फिर्यादीवरुन तुळशीराम गुडूले विरुद्ध फुस लाऊन पळऊन नेल्याचा गुन्हा भोकर पोलीसांत दाखल करण्यात आला.या गुन्ह्याचा तपास पो.उप. नि.सय्यद शरफोद्दीन यांच्याकडे देण्यात आला असता तपासात सदरील मुलगी व तो तरुण पुण्यात राहत असल्याची माहिती मिळाली.या माहितीवरुन पो.उप.नि.सय्यद शरफोद्दीन,पो.ना.प्रकाश व्यवहारे, पो.काॅ.राजेंद्र इंगोले यांनी पुण्यातून त्या दोघांना पकडले व भोकर पोलीसात आणले.करण्यात आलेल्या चाैकशी दरम्यान माहिती समोर आली की,तुळशीराम गुंडूले या तरुणाने त्या अल्पवयीन मुलीसोबत गैर कायद्याने लग्न केले व तिच्यावर सतत बलात्कार केला.यात ती गर्भवती राहिल्याने तिचा गर्भपात ही करण्यात आला.यावरुन सरकार पक्षातर्फे पुर्वीच्या गुन्ह्यात बलात्कार व बाल लैंगीक अत्त्याचार प्रतिबंधक कायदा पोस्को अंतर्गत भा.द.वि.च्या विविध कलमांनुसार वाढ करण्यात आली. पो.नि.आर.एस.पडवळ यांच्या मार्गदर्शनाखाली पो. उप.नि.सय्यद शरफोद्दीन व त्यांच्या सहकारी कर्मचा-यांनी या गुन्ह्याचा सखोल तपास केला आणि तपासाअंती दि.१५ डिसेंबर २०१७ रोजी ९२/२०१७ नुसार भोकर जिल्हा व अतिरीक्त सत्र न्यायालयात सदोष दोषारोपपत्र दाखल केले.
दरम्यानच्या काळात भोकर जिल्हा व अतिरीक्त सत्र न्यायालयात सदरील गुन्ह्यातील ८ साक्षीदार तपासण्यात आले.यावेळी सरकारी वकील अॅड.रमेश विनायकराव राजूरकर व आरोपीच्या वकीलात युक्तीवाद झाला.यात काही साक्षीदार व पिडीत मुलीची साक्ष आणि वैद्यकीय अहवाल हा आरोपीच्या विरुद्ध गेला.या सबळ पुराव्यांच्या सिद्धतेवरुन मा. जिल्हा न्यायाधीश मुजीब एस.शेख यांनी दि.३ डिसेंबर २०१८ रोजी तुळशीराम बापूराव गुंडूले यास १० वर्ष कारावास,१० हजार रुपये दंड व दंड न भरल्यास अतिरीक्त ६ महिने कारावासाची शिक्षा देण्यात आली आहे.
No comments:
Post a Comment