भोकर येथे विश्वकर्मा प्रगट दिनानिमित्त भव्य रक्तदान शिबिराचे आयोजन

भोकर येथे विश्वकर्मा प्रगट दिनानिमित्त भव्य रक्तदान शिबिराचे आयोजन

.






 भोकर प्रतिनिधी:-
प्रभु विराट विश्वकर्मा प्रगट दिनाच्या औचित्याने भोकर शहरातील विश्वकर्मा मंदिरात उद्या दिनांक ७ फेब्रुवारी २०२० रोज शुक्रवारी सकाळी १० वाजता भव्य रक्तदान शिबिराचे आयोजन करण्यात आले असून विविध धार्मिक कार्यक्रमही उत्साहात साजरे होणार आहेत.
  दरवर्षी प्रमाणे याहीवर्षी प्रभु विराट विश्वकर्मा जयंती निमित्त सकाळी ७ वाजता गजानन कोमटलवार यांच्या हस्ते प्रभु विश्वकर्मा मूर्तीचा अभिषेक करण्यात येणार असून, विधिवत पूजा,अर्चा,आरती व प्रसादाचे वाटप होणार आहे. सकाळी १० ते १२ ह-भ-प श्री ब्रम्हवाडीकर महाराज यांचे काल्याचे कीर्तन होईल व दुपारी बारा वाजता महाप्रसादाचे वाटप करण्यात येणार आहे. तसेच सकाळी १० ते २ वाजेपर्यंत भव्य रक्तदान शिबिराचे आयोजन विश्वकर्मा मंदिराच्या परिसरात करण्यात आले असून या शिबिरात जास्तीत जास्त समाज बांधवांनी व रक्तदान करणाऱ्या दात्यांनी मोठ्या प्रमाणात पवित्र रक्तदान करावे असे अवाहन विश्वकर्मा पांचाळ समाजातर्फे करण्यात आले आहे.